عدد نقاط : 410 العمل/الترفيه : مهندسة حاسب هادئ تاريخ التسجيل : 16/08/2008
موضوع: جِدَّايَا تفهم في الطب الأحد ديسمبر 14, 2008 5:10 am
يقول الشاعر ميلود بوسلة حيث يصور حوار بين الشاعر و جداه التي تعالج بالطب الشعبي
تفهم جدايا في الطب **دنيا وعجب *** ودكتورة من غير كتب
قالت جدايا ** نا عمري ماعرفت قراية ولاحاجة سماها محاية **ولابيرو بالحبر يصب ولاكراسة ولا براية**ولامعمل فيه تجارب ولا قعمز طالب بحدايا** سمايا مانعرف نكتب هدايا من العالي مولايا **دوايا راسي ومجرب العيل اللي فيه العواية**نزازيه ويمشي يلعب
قالت مانعرف صورة **ولانعرف طب وتنتورة لادمل عدن لادورة***لا أماس جراحة تلعب ولانوقف فوق السبورة**باش نكتب سامي ورجب العيل اللي رجله مكسورة**نجبرها تجبير عرب نداويه ويمشي في شورة **ويبري كان الله كتب
قالت مانعرف آله (السماعة)***بتلزمني في تشخيص الحالة نا دوايا كل شيء قبالا ***بحاجات بسيطة مركب مريضي بنجيبله العالة ***نولع في الكانون حطب إن كان بطنه تجري سيالة *** بنطبخله براد عشب ولانقوله برا ولا تعالا ** ولا ارجعلي تالي واتعب
قالت نا مريضي يشفى *** وبدون يخش المستشفى ولا اشعة تنزل في كشفه *** ولا وصفة ليه بنكتب ولا شروبوا ياخذ بالرشفة ** ولا حبوب علي ثلاث وجب نخرج ونداوي لين يشفي ***ان كان فيه احساسي يرحب
قالت نا جداك ذكية***ولا شيخ ضربني علي يدية ولاحاجة سماها كلية ***ولاعطتني الأبلة واجب نداوي في حاجة رسمية ***بنوصفها عنك تصعب اللي عنده مرض الصدرية ***جغوم حلبة لازم يشرب دوا اللي عنده حالة نفسية ***عسل مع كسبر ذايب
قالت نا جداك مرتاحة ***ولانطلب قرض ولاراحة ولامدير في كل صباحة***يسجل في من هو غايب ولانخدم كيف الطلفاحة ***بيغضب كان قصوا الراتب نقولهالك بكل صراحة** إنت جيلك هذا يشيب
الشاعر ماعجباش الكلام اللي قالاته جداه علي جيله ...فرد عليها :
قلتي اللي بدك ***وخليتك قلتي ماسدك ياجدايا كفي حدك *** نا جيلي ماهو سايب جيلي واقف للي ضدك *** من العيب تقولي خايب وجيلي من المصنع بيمدك **بحليب حكاك معلب
الجدة :
نا حليبك مانضوقه ***ولاني لحليبك محقوقة حليب خامر قاعد في سوقه***عليه زحمة ودفان وقب ونا سلم عنزي المطلوقة ***بيديا هاذم نحلب لبني كيف المسك نشوقه***مالي الحلابة رايب
لأنك جيل بلاعقيدة ***وجيل معادي أمه وسيده والسبسي في إيده***راقي دخانه يعسلب تي والله لوفيه جريدة *** تو تولي وتتأدب
الشاعر :: أيام الضرب بالجريدة والعصا اللي تحكي عليها هاذي راحت ...
اليوم جيل جيل الحرية *** وكيف الراجل كي الولية اليوم تمشي وين تبي هية ** تقضي في السوق وتحسب ووخيك قاعد بالذرية **** ساعات غذاها يطيب
الجدة :
طيح مزالك مزالك ** ماصح خيالك تي من هو بهالدوة يابالك ** عادات جدودك تقلب جدك لو يسمع بأفعالك *** ماعاد عليك بينشد
الشاعر : جدي شيباني ***موديله من عام الهاني يقعاده كرعيه الزوز يلعب مريض ويعاني ساعة بيرقد من المغرب
الجدة :
جدك موديله ****ماتلقي في البر مثيله غير شنهو طاريله *** يروح من السوق يكعب غير عاد في ليله ** ماعادش فية يطرب
الشاعر :
عاد ماك طبيبة **** شوفي موضوعه وسريبه ومن بعد الغيبة *** ياريت الملقي يقرب وسمحولي ياأهل الطيبة**ساعات الواحد يكذب وتفهم جدايا في الطب ***دنيا وعجب ودكتورة من غير كتب
نتمنى يعجبكم
عاشقة الورد المدير
عدد نقاط : 377 رايق تاريخ التسجيل : 06/08/2008
موضوع: رد: جِدَّايَا تفهم في الطب الأحد ديسمبر 14, 2008 8:18 am
ههههههههههههه
الحق جده مش عاجبها جيل توا
واحنى انقولو كيف كنتو عايشين هكى
noor مشرفة قسم الالغاز
عدد نقاط : 410 العمل/الترفيه : مهندسة حاسب هادئ تاريخ التسجيل : 16/08/2008
موضوع: رد: جِدَّايَا تفهم في الطب الأحد ديسمبر 14, 2008 11:58 am
منورة قيرل
عدل سابقا من قبل noor في الأحد ديسمبر 14, 2008 3:02 pm عدل 1 مرات
عيون ليبيا مشرفة قسم نكت والتسالى
عدد نقاط : 110 العمر : 38 الموقع : لا يوجد فى الوقت الحالى العمل/الترفيه : ربة بيت حمد لله على كل حال تاريخ التسجيل : 30/11/2008
موضوع: رد: جِدَّايَا تفهم في الطب الأحد ديسمبر 14, 2008 2:24 pm
هههههههههه زى الاى حليمه يا قيرل مابعدهم منهم العزايز الى تواء بس زمان كانو بركه اما تواء يا ودى بيركتهم تى هما مزودينهالايا حسره على العازيز الاولين
noor مشرفة قسم الالغاز
عدد نقاط : 410 العمل/الترفيه : مهندسة حاسب هادئ تاريخ التسجيل : 16/08/2008
موضوع: رد: جِدَّايَا تفهم في الطب الأحد ديسمبر 14, 2008 3:01 pm
عيون ليبيا
عاشقة الورد المدير
عدد نقاط : 377 رايق تاريخ التسجيل : 06/08/2008
موضوع: رد: جِدَّايَا تفهم في الطب الإثنين ديسمبر 15, 2008 7:22 am
عيون ليبيا كتب:
هههههههههه زى الاى حليمه يا قيرل مابعدهم منهم العزايز الى تواء بس زمان كانو بركه اما تواء يا ودى بيركتهم تى هما مزودينهالايا حسره على العازيز الاولين
هههههههههه صح عزايز توا اتغيرو
noor مشرفة قسم الالغاز
عدد نقاط : 410 العمل/الترفيه : مهندسة حاسب هادئ تاريخ التسجيل : 16/08/2008
موضوع: رد: جِدَّايَا تفهم في الطب الإثنين ديسمبر 15, 2008 1:03 pm
فيه مثل يقول لبس الكتان ونسي ماكان
هادوا هما عزايز توا حتى اللي كانت تلبس في الفراشية نحتها وبدت تلبس جلابية واللي قبل كانت تمشي للحفلة لابسة حولي حرير خلاص تبي تلبس كان قفاطين الطلعة وبدلات السهرة خلاص ماعادش فيه عزايز
نجوان متألق
عدد نقاط : 85 تاريخ التسجيل : 18/09/2008
موضوع: رد: جِدَّايَا تفهم في الطب الإثنين ديسمبر 15, 2008 3:26 pm
الشعر كويس هلبة وتعليقك اكثر من كويس العزايز كملوا كلهم بنات العشرين ولوا
الأحد أبريل 04, 2010 3:00 am من طرف 
